|
|
Təşkilatın əsas elmi fəaliyyət
istiqamətləri:
Azərbaycan və digər floradan olan faydalı
və nadir, nəsli
kəsilməkdə olan bitkilərin biomüxtəlifliyi, introduksiyası və
məlumat bankının yaradılması.
Əsas elmi nəticələr:
1. Nadir və nəsli kəsilməkdə olan dekorativ bitkilərin
bioekologiyası öyrənilmiş və onların bəzilərinin respublikanın
yaşıllaşdırılmasında istifadəsi üçün aqrotexniki üsullar
hazırlanmasıdır.
2. İlk dəfə olaraq Azərbaycanın iqlim-torpaq şəraitinə uyğun
200-dən artıq dekorativ qızılgül sortlarının kolleksiyası toplanmış,
onlardan 86 sortun respublikada becərilmə aqrotexnikası işlənib
hazırlanmışdır.
3. Nadir və nəsli kəsilməkdə olan süsən cinsinin 6 növünün
(İtikənarlı süsən – Iris acutiloba C.A. Mey;
Qəşəng süsən – I.elegantissima Sosn.; Torlu süsən –
I.reticulata Bieb.; Gürcü süsəni – I.iberica
Hoffm.;
Kamilla süsəni - I.camillae Grossh.; Qurdqulağı süsən
- I.lycotis Woronow) kolleksiyası yaradılmış, çoxaldılma
üsulları öyrənilmiş və genefondu yaradılmışdır.
4. Bağın kolleksiyasına daxil edilmiş yeni 14 ağac, kol növü
(Dovşanalması növləri -Cotoneaster,
1 növ Çiyələk ağacı - Arbutus, 3 növ Hibiskus -Hibiscus,
həmişəyaşıl
zirinc -Berberis),
12 dekorativ və dərman bitkisi növünün (Othona capensis
Harv., Senecio articulatus (L.F.) sch. Bup., S.herrianus Dinter,
S.petraeus (R.E.Fries) Cacobs, Cyanothis somaliensis Clarke,
Aechmea fasciata «Morgana», Ananas comosus «Variegatus»,
Billbergia nutans Rgl., Guzmania «Grand Prix», G. «Empire»,
Agava americana L. var.marginata Trel, A.filifera Salm-Dyck)
Abşeron şəraitində bioekoloji
xüsusiyyətləri öyrənilmişdir.
Elmi kadrların hazırlanması:
Mərkəzi Nəbatat Bağı yüksək ixtisaslı kadrların
hazırlanmasına xüsusi diqqət ayırır. Hazırda
Bağda çalışan 103 işçidən
23 elmi
işçi,
2 -
AMEA-nın müxbir üzvü,
3
-elmlər doktoru,
14 –elmlər namizədidir.
MNB-da aspirantura fəaliyyət göstərir və burada 3
aspirant
və 5 dissertant
təhsilini davam etdirir. MNB-nin dissertanturasında 2 əcnəbi
dissertant təhsil alır.
Ekspedisiyalar:
MNB-in kolleksiyasını zənginləşdirmək məqsədi ilə Bağın
əməkdaşları Azərbaycanın müxtəlif bölgələrində – Qazax-Gəncə,
Quba-Qusar, Lənkəran-Masallı, Naxçıvan, Şamaxı və s.
ekspedisiyalarda olurlar. Həmin bölgələrdən ağac,
kol, çiçək bitkilərinin əkin və səpin materialları (dəmirağac -
Parrotia və ağcaqayın - Acer cinslərinə daxil olan
növlər, evkalipt - Eucalyptus, limon - Citrus,
kinkan - Fortunella, mandarin - Citrus, akasiya -
Acacia, küstüm - Mimosa, qızılgül - Rosa,
bənövşə - Viola, əzgil - Mespilus, banan - Musa,
kivi - Kiwi, feyxoa – Acca və s.) gətirilərək
MNB-da introduksiya edilmişdir.
Elmin istehsalatla əlaqəsini gücləndirmək məqsədi ilə MNB-da
Şamaxı dayaq məntəqəsi fəaliyyət göstərir. Bu məntəqədə
terras üsulu ilə
əkilmiş qozmeyvəli bitkilərdən ibarət böyük kolleksiya
yaradılmışdır. |
|
